Մեծ Բրիտանիայի կառավարությունը մտադիր չէ արտահերթ ընտրություններ անցկացնել։ Այս մասին երկուշաբթի օրը լրագրողերին հայտարարել է վարչապետի աշխատակազմի պաշտոնական ներկայացուցիչը, հաղորդում է «ՌԻԱ Նովոստի»-ն։

«Արտահերթ ընտրությունների վերաբերյալ մեր դիրքորոշումը չի փոխվել։ Կառավարությունն արտահերթ ընտրություններ անցկացնելու ծրագրեր չունի», — ասել է նա։

Հայտարարությունն արվել է ընդդիմադիր կուսակցության եւ նույնիսկ իշխող կոնսերվատիվ կուսակցության որոշ անդամների՝ 2019-ին արտահերթ ընտրություններ անցկացնելու վարչապետ Թերեզա Մեյին ուղղված կոչի ֆոնին։