Ռուսաստանում ՀՀ դեսպան Վարդան Տողանյանը կարծում է, որ Երեւանը հարաբերությունները դինամիկ զարգացնում է Մոսկվայի եւ Բրյուսելի հետ։
Մոսկվա-Երեւան հեռուստակամուրջի ընթացքում պատասխանելով Հայաստանի եւ Արեւմուտքի փոխհարաբերությունների վերաբերյալ հարցին, այն դեպքում, երբ «ռուսական կողմը հակված է կամ-կամ քաղաքականությանը»՝ դիվանագետը հայտարարել է. «Ես ծանոթ չեմ նման քաղաքականությանը, համենայն դեպս Հայաստանի արտաքին քաղաքականության դեպքում նման բան չկա եւ չի եղել։ Մեր հարաբերությունները բավականին ներդաշնակ են։ Նախօրեին Երեւանը նախնական ստորագրել է ԵՄ-ի հետ համաձայնագիրը։ Դա խոսում է հարաբերությունների դինամիկ զարգացման մասին»։