Երեւանյան «բանվորին ու կոլտնտեսուհուն» կտեղափոխեն այնպիսի վայր, որտեղ դրանք տեսանելի կլինեն երեւանցիների ու քաղաքի հյուրերի համար։ Այս մասին մարտի 23-ին Կառավարության նիստի ժամանակ ասել է մշակույթի նախարար Արմեն Ամիրյանը։

Մոսկովյան հուշարձանի անվանակցին 1956-ին ստեղծել է քանդակագործ Երվանդ Քոչարը։ Մինչեւ 1970-ականները այն երեւում էր Կիրովի՝ (հիմա Կորյունի) փողոցից։ Երբ այնտեղ կառուցվել է բազմահարկ շենք, արձանը տեսադաշտից դուրս է մնացել՝ Գրքի պալատի բակում։ Արձանը հիմա առաջարկում են տեղափոխել Մոսկվայի ծառուղի՝ ԿԸՀ –ի շենքի դիմաց։