Կենտրոնական Աֆրիկայի Չադ հանրապետության Աբեշե քաղաքում հինգշաբթի առավոտյան Ֆրանսիայի քաղաքացի է առեւանգվել, հայտնում է RFI-ն։

«Հիմա բոլոր միջոցները ուղղված են նրան ազատ արձակելուն»,- ասել են Ֆրանսիայի ԱԳՆ-ից։

Վերջին անգամ Չադում ֆրանսիացիների առեւանգել էին 2009-ին։ Ֆրանսիացի գյուղատնտեսը 89 օր էր անցկացրել սուդանյան արմատական խմբավորման մոտ գերավարության մեջ։

Իսկ 2016-ի դեկտեմբերին Մալիի հյուսիսում առեւանգվել էր ֆրանսուհի իրավապաշտպան Սոֆի Պետրոնենը, որը օգնում էր քաղցած երեխաներին։ Առայսօր ոչ մի խմբավորում պատասխանատվություն չի ստանձնել նրա առեւանգման համար։