Երուսաղեմից ոչ հեռու գտել են ավելի քան 1400 տարեկան բրոնզե մետաղադրամներ, որոնք թաքցրել էին հետապնդումներից փախչող քրիստոնյաները, հայտնում է Christian Today-ը։

Թաքստոցում հայտնաբերված մետաղադրամները վերաբերում են բյուզանդական ուշ դարաշրջանին ու հայտնաբերվել են 2016-ի հունիսին սկսված պեղումների ժամանակ։

Թաքստոցը հայտնաբերվել է փլված երկհարկանի տան կողքին, որը ապաստան էր ծառայում քրիստոնյաների համար՝ դեպի Երուսաղեմ նրանց ուխտագնացության ճանապարհին։ Այդ վայրից ոչ հեռու գտնվում են բյուզանդական եկեղեցու փլատակները։