«Հոգեւոր Հայաստան» նախաձեռնության համաժողովին այսօր՝ մարտի 23–ին, մասնակցում էր նաեւ «Օհանյան–Րաֆֆի–Օսկանյան» դաշինքը։
Նշենք, որ նախաձեռնությունը ստեղծել են մի խումբ մտավորականներ, որոնց թվում են օպերային երգչուհի Հասմիկ Պապյանը, կանադահայ դերասանուհի Արսինե Խանջյանը, երաժիշտ Եղիշե Պետրոսյանը։ Նախաձեռնությանը սատարում է նաեւ կոմպոզիտոր Տիգրան Մանսուրյանը,
Համաժողովում ելույթ ունեցան դաշինքի ներկայացուցիչներ Սեյրան Օհանյանը, Րաֆֆի Հովհաննիսյանը եւ Վարդան Օսկանյանը՝ հավանության արժանացնելով նախաձեռնության ծրագրերը։
«Մեր համար մեծ պատիվ է գտնվել այստեղ, «Օհանյան–Րաֆֆի-Օսկանյան» մեր դաշինքը բավականին երկար ժամանակ աշխատում է ձեր հետ եւ միանում այս ծրագրերին, կարծում եմ՝ սա այն հենքն է, որը որ պետք է անմահացնի Հայաստանը»,–համաժողովում հայտարարել է Սեյրան Օհանյանը։