«Ծառուկյան» դաշինքի առաջնորդ Գագիկ Ծառուկյանը համոզված է, որ իր վերադարձով շատերը «ցայտնոտի» մեջ են հայտնվել:
Այսօր՝ մարտի 24-ին, Արարատի մարզի Վեդի քաղաքում ընտրողների հետ հանդիպմանը Ծառուկյանը կրկին հիշեցրել է, որ 2015թ. քաղաքականությունից դուրս է եկել, որ արյուն չթափվեր, այնուհետեւ հավաստիացրել է՝ վերադարձել է ոչ թե կորցնելու, այլ ավելին անելու համար:
«Այսօր բոլորը ցայտնոտի մեջ են, ոչ ոք չէր պատկերացնում, որ Ծառուկյանը նորից գա քաղաքականություն, հավատն ու վստահությունը կվերականգնի, բայց ավելացել է այդ հավատն ու վստահությունը, ժողովուրդն ինձ անվերապահ հավատում է: Ես եկել եմ ոչ թե կորցնելու, այլ ավելի շատ անելու»,- ասել է Ծառուկյանը:
Նշենք, որ Գագիկ Ծառուկյանին Վեդիում ուղեկցում է նախկին վարչապետ Հովիկ Աբրահամյանի որդին՝ Արգամ Աբրահամյանը, որն առաջադրվել է «Ծառուկյան» դաշինքի տարածքային ցուցակով: