Ես ոչինչ չգիտեմ դպրոցների տնօրենների հետ կապված լուրերի մասին։ Այս մասին մարտի 24-ին ասել է Հայաստանի վարչապետ Կարեն Կարապետյանը Դավիթաշեն թաղամասում ընտրողների հետ հանդիպման ժամանակ։ Հիշեցնենք, որ Կարեն Կարապետյանն իրականացնում է ՀՀԿ-ի քարոզարշավը։
«Ես չեմ կարող բնութագրեր տալ, քանի որ չգիտեմ այդ իրադարձությունների մանրամասները»,- հայտնել է վարչապետը։
Նշենք, որ օրերս sut.am կայքի հեղինակները զանգվածային հեռախոսային փրանկ են իրականացրել հանրապետության 136 դպրոցների ու մանկապարտեզների տնօրենների շրջանում։ Ներկայանալով որպես ՀՀԿ կենտրոնական շտաբի աշխատակիցներ՝ նրանք հետաքրքրվել են, թե ինչպես է ընթանում ընտրողների հավաքագրումը։ Միայն 22 տնօրեն է հրաժարվել պատասխանել, ասելով, որ պետք չէ կրթությունը քաղաքականության հետ խառնել։ Մնացած 114 ձայնագրությունները փրանկերները հրապարակել են համացանցում։
Արտահոսքին արձագանքել է ՀՀԿ նախընտրական շտաբը, հայտնելով, որ ընտրողների հետ աշխատանքը չի հակասում Ընտրական օրենսգրքին։