Հռոմի հռչակագրի ստորագրումը փոփոխությունների եւ Եվրամիության նորացման սկիզբն է: Այս մասին հայտարարել է Լեհաստանի վարչապետ Բեատա Շիդլոն:
«Սա Եվրամիությունում փոփոխությունների ուղու սկիզբն է: Լեհաստանի համար ամենակարեւորն այն է, որ հաստատվել է մեր համատեղ ապագան կառուցելու հարցում ԵՄ անդամ բոլոր պետությունների կամքը»,- ասել է նա:
Լեհաստանի վարչապետը հավելել է, որ հիմա լավ նախագծերի մշակման ժամանակն է, որոնց շնորհիվ բոլորը կարողանան միասնական, զարգացող եւ երջանիկ Եվրոպա տեսնել:
ԵՄ անդամ 27 պետությունների ղեկավարների կողմից ստորագրված հռչակագրում նշվում է, որ ԵՄ-ն «չբաժանված եւ չբաժանվող» է, իսկ անդամ պետությունների առաջնորդները միասին կգործեն՝ ձգտելով շարժվել մեկ ուղղությամբ, ինչպես նախկինում:
«Եվրամիության միասնականությունն անհրաժեշտ եւ ազատ ընտրություն է»,- ասված է փաստաթղթում:
