Գերմանիան երկրորդ հետաքննությունն է սկսել Թուրքիայի կողմից լրտեսության կասկածանքով։ Reuters –ը, վկայակոչելով դաշնային դատախազության անանուն ներկայացուցչին, հայտնել է, որ սկսվել է հետաքննություն «անանուն կազմակերպության» նկատմամբ։
Աղբյուրը հրաժարվել է մեկնաբանել գերմանական լրատվամիջոցների հրապարակումներն այն մասին, որ խոսքը կարող է լինել Թուրքական հետախուզության գործակալության մասին, որը Գերմանիայում լրտեսել է «Հըզմեթ» շարժման գաղափարակիր Ֆեթուլա Գյուլենի համակիրներին ։
Նշվում է, որ դա առանձին հետաքննություն է, որը կապակցված չէ այն հետաքննության հետ, որը սկսվել էր ավելի վաղ ՝ Անկարայի կողմից Գերմանիա ուղարկված թուրք լրտեսների կապակցությամբ։
«Սա նոր գործ է։ Երկուսն էլ ենթադրում են Թուրքիայի կողմից լրտեսության կասկածներ, բայց դրանց միջեւ կապ այս պահի դրությամբ չի հայտնաբերվել»։
