Գրեթե յուրաքանչյուր հինգերորդ բջջային հեռախոս ու չորրորդ խաղային ածանցյալ, որոնք վաճառվում են աշխարհում, կեղծումներ են։ Այս մասին հայտնում է Տնտեսական համագործակցության ու զարգացման կազմակերպությունը (ՏՀԶԿ), հաղորդում է BBC-ն։

Կազմակերպությունը զեկույց է հրապարակել՝ կեղծ տեղեկատվական-հաղորդակցական սարքավորումների վաճառքի վերաբերյալ։

Համաձայն զեկույցի, որտեղ վերլուծվել են 2013-ի մաքսային տվյալները, տեխնիկայի համաշխարհային վաճառքի 6,5 տոկոսը բաժին է ընկնում կեղծումներին։ 2016-ի տվյալներով այլ շուկաներում կեղծումների բաժինը մոտ 2,5 տոկոս է։

ՏՀԶԿ-ում կեղծ հաղորդակցական համակարգի տեխնիկայի վաճառքի ընդհանուր ծավալը գնահատել են 143 մրդ դոլար։ Կեղծումների երկու երրորդը տեղ է հասնում փոստային կամ էքսպրես առաքումների միջոցով։

Բացի բջջային հեռախոսներից ու խաղային ածանցյալներից, հաճախ կեղծվում են նաեւ հիշողության քարտեր, ադապտերներ եւ այլ աքսեսուարներ։