Հայաստանի նոր Ընտրական օրենսգրքում պարունակվող նրբությունները փաստացի բացառում են որեւէ սխալի կրկնության հնարավորությունը ու բողոքելու հնարավորություն չեն տալիս։ Այս մասին ապրիլի 1-ին լրագրողների հետ զրույցի ժամանակ ասել է Բելառուսի Ազգային ժողովի ներկայացուցիչների պալատի նախագահի տեղակալ, Հայաստանի խորհրդարանական ընտրություններում ԱՊՀ միջխորհրդարանական ասամբլեայից (ՄԽԱ) դիտորդների խմբի համակարգող Բոլեսլավ Պիրշտուկը՝ Հայաստանի ԿԸՀ նախագահ Տիգրան Մուկուչյանի հետ հանդիպումից հետո։
«Ես անձամբ բավարարված եմ այն օրենսդրությամբ, որը ներդնում են մեր հայ գործընկերները, քանի որ այն պարունակում է բազմաթիվ նրբություններ, որոնք առաջ միջնորդավորված էին ո ւ երբեմն էլ որոշակի քննադատությունների էին արժանանում թե ընտրողների , թե խորհրդարանում իրենց տեղերի համար պայքարող բոլոր մրցակիցների կողմից։ Որպես դրա արդյունք՝ այսօր ԿԸՀ-ն գրեթե բողոք չի ստացել թեկնածուներից։ Դա վկայում է այն մասին, որ աշխատանքն իրականացվում է հանգիստ, պրոֆեսիոնալ, գործող օրենսդրության շրջանակում»,- նշել է Բոլեսլավ Պիրշտուկը։
Իրենց համար՝ որպես ԱՊՀ երկրների ներկայացուցիչների, շարունակել է նա, անկասկած դա նույնպես կարեւոր է։ «Քանի որ մեր խորհրդարաններից շատերը նույնպես աշխատում են իրենց ազգային օրենսդրությունները կատարելագործելու ուղղությամբ։ Անկասկած դա մեզ մոտ որոշակի հետաքրքրություն է առաջացնում, քանի որ մենք մտադիր ենք ձեր օրենսդրության բազմաթիվ բաղադրիչներ ապագայում օգտագործել նաեւ մեր երկրներում»,- հավելել է Բոլեսլավ Պիրշտուկը։
Ընդամենը ԱՊՀ ՄԽԱ-ից հավատարմագրված է 23 միջազգային դիտորդ, որոնք ներկայացնում են ԱՊՀ ՄԽԱ վեց անդամ պետությունները ՝ Բելառուսը, Ղազախստանը, Ղրղզստանը, Մոլդովան, Ռուսաստանն ու Տաջիկստանը։ Նրանց շարքերում կան պատգամավորներ, իշխանության բարձրագույն օրենսդիր մարմինների ներկայացուցիչներ, նաեւ ԱՊՀ ՄԽԱ Խորհրդի քարտուղարության աշխատակիցներ ու Ժողովրդավարության, պարլամենտարիզմի ու ԱՊՀ ՄԽԱ անդամ պետությունների քաղաքացիների ընտրական իրավունքների պահպանման միջազգային ինստիտուտի փորձագետներ։
ԱՊՀ ՄԽԱ դիտորդական խումբը իրականացնում է իր գործունեությունը ԱՊՀ-ի դիտորդական առաքելության կազմում։ Առաքելությունը ղեկավարելու է ԱՊՀ Գործադիր կոմիտեի նախագահ, ԱՊՀ Գործադիր քարտուղար Սերգեյ Լեբեդեւը։ Առաքելության անդամների ընդհանուր թիվը կազմում է 172 մարդ։
Քվեարկության օրը ԱՊՀ ՄԽԱ-ի միջազգային դիտորդները անհատական երթուղիների համաձայն իրականացնելու են մշտադիտարկում Երեւան քաղաքի ընտրատեղամասերում, նաեւ Հայաստանի հինգ մարզերի՝ Արագածոտնի, Արարատի, Արմավիրի, Գեղարքունիկի ու Կոտայքի բնակավայրերում
