Հայաստանը բարելավել է իր դիրքերը 2017-ի զբոսաշրջության մրցունակության վերաբերյալ զեկույցում, որը հրապարակել է Համաշխարհային տնտեսական ֆորումը։

Հայաստանը 136 երկրների շարքում 84-րդ տեղում է։ Վերջին անգամ զեկույցը հրապարակվել է 2015-ին, երբ Հայաստանը 141 երկրների շարքում 89-րդն էր։

Ինչ վերաբերում է հարեւան երկրներին՝ Վրաստանը 70-րդ տեղում է, Թուրքիան՝ 44-րդ, Ադրբեջանը 71-րդ, իսկ Իրանը՝ 93-րդ տեղում։

Զբոսաշրջության մրցունակության ինդեքսը քննում է այն փաստերը, որոնք անհրաժեշտ են զբոսաշրջային ոլորտի կայուն զարգացման համար։