«Սասնա Ծռեր» զինված խմբի անդամ Արամ Մանուկյանի մասով քրեական գործի նախաքննությունն ավարտվել է: Այս մասին այսօր՝ ապրիլի 7-ին, NEWS.am-ի հետ զրույցում ասաց նրա շահերի պաշտպան Հարություն Բաղդասարյանը: Նա նշեց, որ գործի նյութերը դեռ չեն տրամադրվել կողմերին:
Հարություն Բաղդասարյանը նաեւ նշեց, որ Արամ Մանուկյանին առաջադրված մեղադրանքներին ավելացվել է նաեւ ՀՀ ՔՕ-ի 185-րդ հոդվածը՝ Գույքի ոչնչացում:
«Իրեն առաջադրված մեղադրանքների ավելացումը թեթեւ է տանում: Ինքն ասում ՝ իրեն առաջադրված մեղադրանքները չի ընդունում եւ տարբերություն չկա՝ կավելացվեն, թե ոչ»,-ասաց պաշտպանը:
Հիշեցնենք, որ Արամ Մանուկյանին մեղադրանք է առաջադրվել ՀՀ ՔՕ 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել):
