Էստոնիայի Տապա քաղաքում ռուսական սահմանից հարյուր կմ հեռավորության վրա հանդիսավոր նշել են բրիտանական գումարտակի ժամանումը էստոնական բազա, հայտնում է BBC–ն։
Տապայում տեղակայվել են 800 բրիտանացի ու 200 ֆրանսիացի զինծառայողներ՝ ՆԱՏՕ-ի «ռուսական» ֆլանգի ամրապնդման շրջանակում։ Դա դաշնակիցների չորս գումարտակներից մեկն է, որոնք տեղակայվելու են Բալթյան երկրներում ու Լեհաստանում։
Արարողության ժամանակ Էստոնիայի նախագահ Քերսթի Կալյուլայդը, Էստոնիայի ու Բրիտանիայի պաշտպանության նախարարներ Մարգուս Ցախկնան ու Մայքլ Ֆելոնը ասում էին, որ բրիտանական ու մյուս գումարտակների տեղակայումը ՆԱՏՕ-ի արեւելյան անդամների տարածքում կծառայի դաշինքի ներսում միասնության զգացմունքի ու դրա անվտանգույթան ամրապնդմանը։ «Սա նաեւ ցույց է տալիս, որ չնայած մենք դուրս ենք գալիս ԵՄ-ից, մենք շարունակում ենք հոգ տանել եվրոպական մայրցամաքի անվտանգության մասին»,- ասել է Ֆելոնը։
Մարգուս Ցախկնան էլ իր հերթին ասել է, որ արեւելյան սահմաններին չորս գումարտակ տեղակայելու մասին որոշումը ՆԱՏՕ-ն կայացրել է «Ուկրաինայում ՌՈւսաստանի ագրեսիվ գործողությունների պատճառով»։
