ՀԴԲ-ն վերանայում է ԶԼՄ-ների հանդեպ քաղաքականությունը՝ սահմանափակելով իր աշխատակիցների եւ լրագրողների միջեւ կապերը: Այս մասին գրում է Newsru-ն՝ վկայակոչելով CNN-ը:
Հեռուստաալիքի պնդմամբ՝ պատճառը լրատվամիջոցներում տեղեկությունների հնարավոր արտահոսքն է, որի հետաքննության կոչ է արել, մասնավորապես, ԱՄՆ նախագահ Դոնալդ Թրամփը: Նախագահին զայրացրել են Ռուսաստանի ներկայացուցիչների հետ իր շտաբի աշխատակիցների ենթադրյալ կապերի մասին հրապարակումները:
Լրատվամիջոցների հանդեպ նոր քաղաքականությունն այս շաբաթ ներկայացվել է Վաշինգտոնում կայացած համաժողովում, որին ներկա են եղել ՀԴԲ-ի 56 դաշնային գրասենյակների ղեկավարներ: Հեռուստաալիքի փոխանցմամբ՝ ՀԴԲ-ն ձեռնպահ է մնացել է մեկնաբանություններից:
