Ադրբեջանի միջազգային ու ոչ կառավարական կազմակերպությունների ներկայացուցիչները Եվրոպայի խորհրդի գլխավոր քարտուղար Թորբյորն Յագլանդին ու ԵԽ մարդու իրավունքների հարցերով հանձնակատարին կոչ են արել աջակցել Ադրբեջանի հետ կապված կոռուպցիոն մեղադրանքների ամբողջական, անկախ ու մանրակրկիտ հետաքննությունը։
«Մենք ողջունում ենք ԵԽԽՎ Բյուրոյի 2017-ի հունվարի 27-ի որոշումը՝ անկախ քննչական մարմին ստեղծելու մասին, որը պետք է լույս սփռի քողարկված պրակտիկաների վրա, որոնք նպաստում են կոռուպցիային»,- ասվում է հայտարարության մեջ։
Կազմակերպությունները կոչ են անում Թորբյորն Յագլանդին խիստ հայտարարությամբ հանդես գալ ու հաստատել, որ ԵԽԽՎ-ում ու ընդհանուր Եվրոպայի խորհրդում ոչ մի հանդուրժողականություն չի լինելու կոռուպցիայի ցանկացած տեսակի՝ այդ թվում կաշառակերության,ազդեցության առեւտրի կամ շահերի բախումների նկատմամբ։
Հայտարարության մեջ շեշտվում է, որ եթե որոշումը հիմա չընդունվի, ԵԽԽՎ վարկանիշին կհասցվի անշտկելի վնաս, «խանգարելով Վեհաժողովին կատարել Եվրոպայի Խորհրդի շրջանակում մարդու իրավունքների երաշխավորի դերը»։
Հայտարարությունը ստորագրել են 56 կազմակերպություններ։