Սոցցանցերի օգտատերերի գնահատականով Facebook–ը ամենահոգնացուցիչ գովազդով սոցցանցն է, այս մասին են վկայում BI Intelligence–ի հետազոտության տվյալները, հայտնում է Business Insider-ը։

Ըստ հետազոտության արդյունքների՝ հարցման մասնակիցների 45 տոկոսը Facebook––ում գովազդային հրապարակումները շատ ձանձրալի է որակել։ Եւս 43 տոկոսը այդ առումով առավել ձանձրալի է համարել YouTube հարթակը։

Մասնագետները հարցումն իրականացրել են 1740 օգտատերերի շրջանում։ Պարզվել է, որ Twitter-ը զայրացնում է հարցման մասնակիցների ընդամենը վեց տոկոսին, իսկ Instagram-ն ու  Snapchat-ը՝ մեկ տոկոսին։

Հետազոտողները ենթադրում են, որ երկու հարթակների այդքան ուժեղ տարբերությունը մյուսներից կարող է պայմանավորված լինել նրանով, որ օգտատերերը YouTube –ում ու Facebook –ում ավելի շատ ժամանակ են անցկացնում, քան մյուս ցանցերում։ Հետեւաբար ավելի հաճախ են գովազդ  տեսնում։

Ընդ որում YouTube–ում հովանավորչական կոնտենտը ավելի շատ է նյարդայնացնում երիտասարդներին, մինչդեռ Facebook –ի գովազդը՝ ավելի տարեց օգտատերերին։ Պարբերականը նշում է, որ դա կարող է պայմանավորված լինել նրանով, որ հեռուստադիտմանը սովոր տարեց մարդիկ ավելի հանդուրժող են հաղորդումները ընդհատող գովազդի նկատմամբ։