Մենք պետք է ճանաչենք 20-րդ դարի առաջին ցեղասպանությունընաեւ թուրք ժողովրդին օգնելու համար: Այս մասին հայտարարել է ԱՄՆ կոնգրեսական Բրեդ Շերմանը:
Նրա խոսքով, Գերմանիան կարողացավ գիտակցել սեփական պատմությունը եւ Գերմանիան դարձավ բարգավաճ, հզոր եւ ժողովրդավարական մի պետություն, որտեղ կցանկանային ապրել բազմաթիվ մարդիկ. «Թուրքիան շարունակում է հերքել Հայոց ցեղասպանությունը , արդյունքում նրանք ծայրահեղական, ավտորիտար եւ էրդողանիստական պետության ճանապարհին են:
Ես հանգիստ չեմ մնա, քանի դեռ ԱՄՆ Ներկայացուցիչների պալատը չի ճանաչել Հայոց ցեղասպանությունը, որովհետեւ Ցեղասպանության հերքումը ցեղասպանության վերջին քայլն է»:
Կոնգրեսականի խոսքով, ազգը ոչնչացնելուց հետո դու ոչնչացնում ես այդ հանցանքի մասին հիշողությունը, սակայն «Ցեղասպանության հերքումը հաջորդ ցեղասպանության առաջին քայլն է եւ կարիք չկա հիշեցնելու, թե ինչպես էր Հիտլերը համոզել իր ենթականերին, որ ողջակիզման պատասխանատվությունից իրենք կարող են խուսափել, որովհետեւ Օսմանյան կայսրությանը հաջողվել էր խուսափել ցեղասպանության համար պատասխանատվությունից»: