ԱՄՆ-ի Մասաչուսեթս նահանգի գլխավոր դատախազության ներկայացուցիչները Հայաստան կայցելեն Պետքարտուղարության կողմից հովանավորվող կոռուպցիայի դեմ պայքարի ծրագրի շրջանակում: Այս մասին հայտարարել է նահանգի գլխավոր դատախազ Մաուրա Հիլին:
Նրա խոսքով՝ ԱՄՆ-ը շահագրգռված է Պետքարտուղարության այս ծրագրով, քանի որ այն թույլ է տալիս «օրենքի գերակայությունն այլ երկրներ արտահանել», հայտնում է telegram.com-ը:
Իրավաբանները կհանդիպեն Հայաստանի պաշտոնատար անձանց հետ՝ քննարկելու կոռուպցիայի, մարդու իրավունքների խախտումների, կազմակերպված հանցավորության եւ թրաֆիքինգի դեմ պայքարի մեթոդները:
Մաուրա Հիլին նշել է, որ նախագահ Թրամփի առաջարկած Պետքարտուղարության բյուջեի կրճատումը, որի հետեւանքով կտուժեն համանման ծրագրերը, վնաս կհասցնի այլ երկրների հետ հարաբերություններին: