Փարիզի Հյուսիսային կայարանում դանակով զինված մարդու են ձերբակալել: Ըստ Newsru-ի՝ տղամարդը սպառնացել է ոստիկանին, ինչը խուճապ է առաջացրել ուղեւորների շրջանում:
BFMTV-ի փոխանցմամբ՝ խուճապահար ուղեւորները, բեռները թողնելով, այս ու այն կողմ են փախել: Դրանից հետո մասնագետները շների օգնությամբ ստուգել են ուղեւորների թողած պայուսակներն ու ճամպրուկները:
Կիրակի Ֆրանսիայում նախանշված է նախագահական ընտրությունների առաջին փուլը:
Հինգշաբթի Փարիզում Ելիսեյան դաշտերում հարձակում է գրանցվել ոստիկանության աշխատակիցների վրա: Արաբական ծագմամբ 39-ամյա ֆրանսիացին կրակ է բացել ոստիկանների ուղղությամբ: Մեկ իրավապահ զոհվել է, երկուսը լուրջ վիրավորում ստացել: Թեթեւ վիրավորում է ստացել նաեւ Գերմանիայից մի զբոսաշրջիկ:
Դրանից մի քանի օր առաջ Մարսելում երկու իսլամական է ձերբակալվել, որոնք ահաբեկչություն էին ծրագրում նախագահական ընտրություններից առաջ:
