Նախագահական ընտրությունների առաջին փուլում հաղթում է Էմանուել Մաքրոնը, ստանալով ձայների 23․7 տոկոսը, Մարին Լը Պենը ստանում է ձայների 21․7 տոկոսը, Մելանշոնը՝ 19․5, իսկ Ֆիյոնը՝ 19․5 տոկոսը, այս մասին են վկայում IPSOS ինստիտուտի տվյալները։
Այսպիսով ընտրությունների երկրորդ փուլ են դուրս գալիս Լը Պենն ու Էմանուել Մաքրոնը։
Նախագահ ընտրվելու դեպքում Մաքրոնը կդառնա ամենաերիտասարդ նախագահը Ֆրանսիայի պատմության մեջ։ 2016-ի ապրիլին էկոնոմիկայի նախկին նախարարը հիմնել է «Առաջ» շարժումը, իսկ նոյեմբերին հայտնել պետության նախագահի պաշտոնում թեկնածություն առաջադրելու մտադրության մասին։