«Յունիբանկը» «Սիրմեդ» բժշկական կենտրոնի հետ համատեղ իրականացնում է նոր ակցիա, որի շրջանակում կենտրոնի ծառայություններից օգտվելիս, բանկի քարտապաններին կտրամադրվեն զեղչեր:
«Յունիբանկից» NEWS.am-ին հայտնում են, որ բանկի կողմից թողարկված ArCa Classic, Visa Electron եւ Visa Classic քարտերի դեպքում զեղչի չափը կկազմի 10%, իսկ Visa Gold եւ Visa Infinite քարտերի դեպքում` 15%: Զեղչերը գործում են բոլոր ծառայությունների համար: Զեղչից օգտվելու համար հաճախորդը պետք է լինի բանկի քարտապան եւ բժշկական կենտրոն այցելելիս` պարզապես ներկայացնի իր` Յունիբանկի կողմից թողարկված քարտը:
«Յունիբանկը հատուկ իր քարտապանների համար մշտապես իրականացնում է շահավետ եւ հաճախորդների լոյալության բարձրացմանն ուղղված ծրագրեր: Այդ իսկ նպատակով, բանկը սկսեց համագործակցել «Սիրմեդ» բժշկականկենտրոնի հետ` իր քարտապաններին հնարավորություն ընձեռելով ստանալու որակյալ եւ ժամանակակից բուժսպասարկում` մինչեւ 15% զեղչով: Այդպիսով մեր շնորհակալությունն ենք հայտնում մեր հաճախորդներին` Յունիբանկին վստահելու եւ մեր ծառայություններից օգտվելու համար», - նշեց «Յունիբանկի» Վարչության նախագահի տեղակալ, մանրածախ բիզնեսի զարգացման եւ վաճառքների գծով տնօրեն Գուրգեն Ղուկասյանը:
Բժշկական կենտրոնի կողմից հայտարարված այլ զեղչերի, կորպորատիվ փաթեթների, հատուկ ակցիաների շրջանակներում եւ ՀՀ գործող ապահովագրական ընկերությունների ապահովադիրներին մատուցվող ծառայությունների դեպքում կենտրոնի ծառայություններից օգտվող քարտապաններին հավելյալ զեղչեր չեն տրամադրվում:
«Սիրմեդ» բժշկական կենտրոնը գործում է 2014թ.-ից եւ իր գործունեությունը ծավալում է երեք հիմնական ուղղություններով` լաբորատոր հետազոտություններ, դիագնոստիկ (ախտորոշիչ) հետազոտություններ եւ բուժում, ինչպես նաեւ էսթետիկ բժշկական ծառայություններ: Կենտրոնում բոլոր հետազոտությունները իրականացվում են վերջին սերնդի ժամանակակից սարքավորումներով:
