Երեւանում 2016թ. մայիսի 13-ի գիշերը «Բրավո» տաքսի ծառայության ընկերության տնօրեն Լեւոն Ավետիսյանը մինչեւ հիմա դեռ չի ազատվել հարձակման ընթացքում ստացած վնասվածքների հետեանքով առաջացած առողջական խնդիրներից: Նա դեպքից մեկ տարի անց դատարան էր ներկայացել ստոմայով, դժվարությամբ էր կարողանում շարժվել եւ պատասխանել դատարանի հարցերին: Լեւոն Ավետիսյանը հարձակումից հետո կտրած-ծակած վերքերով տեղափոխվել էր Երեւանի «Աստղիկ» բժշկական կենտրոն, որտեղ վիրահատվելուց եւ որոշ ժամանակ բուժում ստանալուց հետո դուրս էր գրվել հիվանդանոցից:
Ավելի վաղ տեղեկացրել էինք, որ Երեւանում 2016թ. մայիսի 13-ի գիշերը «Բրավո» տաքսի ծառայության ընկերության տնօրենի տան վրա ավազակային հարձակում է տեղի ունեցել: Ավազակային հարձակման մեջ կասկածվում են Հրաչյան ու Էդգար Մկրտչյանը: Հրաչյա Ֆալանջյանը ավազակային հարձակման ընթացքում տեղի ունեցած ծեծկռտուքի հետեւանքով մահացել է, Էդգարը կալանավորված է:
Էդգար Մանուկյանին մեղադրանք է առաջադրվել ՀՀ քրեական օրենսգրքի 175-րդ հոդվածի 3-րդ մասի 3-րդ կետով եւ 177-րդ հոդվածի 1-ին մասով, նրա նկատմամբ որպես խափանման միջոց է ընտրվել կալանավորումը, իսկ Հրաչյա Ֆալանջյանի նկատմամբ՝ ՀՀ քրեական օրենսգրքի 175-րդ հոդվածի 3-րդ մասի 3-րդ կետով, 235-րդ հոդվածի 1-ին մասով և 34-104-րդ հոդվածի 2-րդ մասով քրեական հետապնդում չի իրականացվել` նրա մահվան հիմքով: