Թուրքիան եւ Ռուսաստանը սկզբունքային համաձայնության են եկել Ս-400 համակարգերի գնման հարցում եւ բանակցում են գնի ու համատեղ արտադրության թեմաներով: ՏԱՍՍ-ի փոխանցմամբ՝ այս մասին լրագրողներին ասել է Թուրքիայի ԱԳ նախարար Մեւլութ Չավուշօղլուն:
«Մենք բանակցությունները շարունակում ենք Ս-400-ի հետ կապված բոլոր թեմաներով, այդ թվում՝ համատեղ արտադրության, գնի: Սկզբունքորեն մենք համաձայնության ենք եկել, սակայն տեխնիկական հարցերի վերաբերյալ ոչինչ չեմ կարող ասել»,- նշել է նա:
