Արաբական Միացյալ Էմիրություններից Access ընկերությունն ուսումնասիրում է Հայաստանում 236 ՄՎտ հզորությամբ հողմակայանների կառուցման հնարավորությունը: Ապրիլի 28-ին այս մասին լրագրողներին հայտնեց էներգետիկ ենթակառուցվածքների եւ բնական պաշարների փոխնախարար Հայկ Հարությունյանը:
Այժմ ընկերությունն ուսումնասիրում է Կոտայքի եւ Գեղարքունիքի մարզերում քամու էներգիայի պաշարները:
«Իհարկե, շինարարության մասին որոշումը կընդունվի հետախուզության արդյունքներով, որն ինքնին 6-7 միլիոն արժե: Սակայն ամենայն հավանականությամբ կայանները կլինեն»,- հայտարարեց փոխնախարարը:
Առաջին փուլում՝ 2019 թվականի 1-ին եռամսյակում, ծրագրված է շահագործման հանձնել 80 ՄՎտ, հետագայում՝ մնացածը:
Եթե նախագիծն իրականացվի, հողմակայանները կտարածվեն Սեւանա լճի ափի լեռների լանջերին՝ մինչեւ Դիլիջանի թունել: