Ադրբեջանի դեսպանատան առաջին քարտուղարի՝ Ֆարիդ Ջաբրայիլովի կնոջը, նկատել են Նյու Յորքի Marshalls առեւտրի կենտրոնում գողություն անելիս։

Կնոջը բռնել է հսկիչը, երբ վերջինը փորձել է 188 դոլար արժողությամբ ապրանքները մանկասայլակով դուրս տանել խանութից, հաղորդում է «New York Daily News»-ը։ Մեհրիբան Ջաբրայիլովան ոստիկանությանը հայտարարել է, որ իր ամուսինը դեսպանատան աշխատակից է։

Ստուգումից հետո ոստիկանությունը բաց է թողել կնոջը, քանի որ դիվանագիտական անձեռնամխելիությունըտտարածվում է նաեւ դիվանագետների ընտանիքի անդամների վրա։ Ավելի ուշ պարբերականի հետ զրույցում ամուսինը հերքել է միջադեպը։