Apple-ը սկսել է փորձարկել Lexus RX450h–ի բազայով ինքնակառավարվող մեքենաներ, հայտնում է Bloomberg–ը։

Գրեթե երկու շաբաթ անց այն բանից հետո, երբ Apple. Inc-ը ստացել է թույլատվություն ինքնակառավարվող մեքենաների իր տեխնոլոգիաների փորձարկման համար, ականատեսները առաջին անգամ կարողացել են լուսանկարել մեքենաները Սիլիկոնյան հովտի ճանապարհներին։ Ապրիլի կեսերին նահանգի իշխանությունները ընկերությանը տրամադրել են թույլատվություն 2015-ին թողարկված Lexus RX450h երեք հիբրիդային մեքենաների համար։ Մեքենաները կառավարելու իրավունքը տրամադրվել է վեց փորձարկող վարորդների։

Lexus RX450h քրոսօվերը պոպուլյար է ինքնակառավարվող տեխնոլոգիաների պիոներների շրջանում։ Apple-ից բացի , Waymo-ն ու Zoox Inc.-ը  նույնպես այդ մոդելի օգնությամբ փորձարկում են մեքենաների կառավարման իրենց սեփական տեխնոլոգիաները։