Հայաստանում փոքր բիզնեսը կազատվի կադրերի հետ կապված բյուրոկրատիայից։ Այս մասին մայիսի 1-ին մամուլի ասուլիսի ժամանակ ասել է ՀՀ աշխատանքի եւ սոցիալական հարցերի նախարարության զբաղվածության վարչության պետ Թադեւոս Ավետիսյանը՝ մեկնաբանելով աշխատանքային օրենսգրքի նոր խմբագրության շուրջ աշխատանքները։ Այն պետք է պատրաստ լինի 9 ամսվա ընթացքում։
Ավետիսյանի խոսքով՝ միկրո փոքր ձեռնարկություններից (մինչեւ 10 աշխատակից) ճիշտ կլինի չեղարկել ներքին կանոնակարգի կամ այլ փաստաթղթերի վրաբերյալ պահանջները, որոնք պահանջվում են խոշոր սուբյեկտներից։ «Փոքր բիզնեսին պետք է ազատել ավելորդ ծախսերից, որոնք կապված են այդ փաստաթղթերի հետ։ Այդ ամենը, բնականաբար, չի չեղարկում աշխատանքային պայմանագրերը, որոնք, այսպես թե այնպես, պետք է պաշտպանեն աշխատողների իրավունքները», - հավելել է պաշտոնյան։