Հայաստանի իշխանությունները վերջապես հետեւողական դարձան. երկրում այլեւս թուրքական լոլիկ չի վաճառվում: Մայիսի 1-ին լրագրողների հետ հանդիպմանն այս մասին հայտարարեց ֆերմեր Արմեն Սիմոնյանը:
Նրա խոսքով՝ գյուղատնտեսության նախարարությունն ու ՊԵԿ-ի մաքսային ծառայությունը գոնե մեկ կարեւոր քայլ արեցին. դադարել են թույլատրել առանց մաքսատուրքի թուրքական բանջարեղենի ներկրումը:
«Այսպես կկարողանանք գոնե տեղական շուկայում վաճառել այն, ինչ աճեցրել ենք: Նաեւ գումար կհավաքենք, որպեսզի ինքներս միրգ ու բանջարեղեն արտահանենք Ռուսաստան: Խորհրդային տարիներին դրանք գնացքով էին արտահանում: Այն ժամանակ չէինք մտածում՝ ինչպես վաճառել: Հիմա ստիպված ենք այդ մասին հոգալ: Թող մեզ չխեղդեն թուրքական մաքսանենգ արտադրանքով, այդ դեպքում մենք ոտքի կկանգնենք, ինքներս էլ կարտահանենք»,- նշեց Սիմոնյանը: