ԱՊՀ երկրներում ծանր հանցագործությունների համար դատապարտված անձանց տվյալների միասնական բազա կստեղծվի: Ըստ «Ռոսիյսկայա գազետա»-ի՝ նման որոշում է կայացվել Մինսկում ԱՊՀ անդամ պետությունների ՔԿՀ-ների ղեկավարների Խորհրդի նիստում:
«Ծայրահեղականների, ահաբեկիչների, ինչպես նաեւ այլ ծանր հանցագործությունների համար դատապարտվածների տվյալների ընդհանուր տեղեկատվական բազաների ստեղծումը Խորհրդի կարեւոր ծրագրերից է: Նման անձինք պատիժը կրելուց հետո չպետք է հնարավորություն ունենան առանց հաշվառման եւ վերահսկողության ազատորեն հատել մեր երկրների սահմանները եւ շարունակել իրենց հանցավոր գործունեությունը»,- ասել է Ռուսաստանի ներկայացուցիչ Վալերի Մաքսիմենկոն:
Նրա խոսքով՝ տվյալների միասնական բազան կարող է ստեղծվել կես տարվա ընթացքում: