Ոստիկանության աշխատակիցները քաղաքապետ Տարոն Մարգարյանի համար ձայներ են հավաքւոմ ոստիկանապետ Վլադիմիր Գասպարյանի հրամանով: Այս մասին այսօր՝ մայիսի 12-ին, լրագրողների հետ զրույցում ասել է քաղաքապետի թեկնածու Նիկոլ Փաշինյանը:
«Ոստիկանության որեւէ բաժնից որեւէ մեկը ֆաքս է անուոմ Տարոն Մարգարյանի շտաբ: Հայաստանում որեւէ ոստիկան չի համարձակվի այդպիսի բան անել, եթե դրա համար հրաման չունի: Հրաման տվողը չի կարող լինել մեկ այլ մարդ, բացի ոստիկանապետ Վլադիմիր Գասպարյանից»,-ասել է նա:
Նա նաեւ նշել է, որ ՀՔԾ-ն պետք է այս գործով զբաղվի եւ ոչ թե ոստիկանությունը ծառայողական քննություն իրականացնի:
Ավելի վաղ տեղեկացրել էինք, որ Նիկոլ Փաշինյանն իր ֆեյսբուքյան էջում տեսանյութ է տեղադրել, որտեղ կարդում է ոստիկանության ՊՊԾ գնդի աշխատակիցների անուններով ցուցակ, որոնք ձայներ պետք է բերեն Տարոն Մարգարյանի համար: Ավելի ուշ ոստիկանապետ Տարոն Մարգարյանի հրամանով ծառայողական քննություն է սկսվել: Նիկոլ Փաշինյանի տարածած նյութերին անդրադարձե է նաեւ ՀՀԿ նախընտրական շտաբը՝ նշելով, որ Նիկոլ Փաշինյանի տարածած նյութերը որեւէ աղերս չունեն իրականության հետ: