Հայոց ցեղասպանությանը նվիրված «Երկնքից երեք խնձոր ընկավ» ֆիլմի հեղինակները ներկայացրել են գլխավոր հերոսուհու դերի համար հայ աղջիկների քասթինգի տեսագրությունը։

Ֆիլմի ռեժիսորը Շեկհար Կապուրն է, որը հայտնի է դարձել «Ելիզավետա» ֆիլմից հետո։ Ֆիլմը նկարահանվել է Միշելին Ահարոնյան Մարկոմի համանուն վեպի հիման վրա։ Մարկոմի գրքի հիման վրա սցենար է գրել Խոսե Ռիվերան, որի թեկնածությունն առաջադրվել էր «Օսկարի» լավագույն ադապտացված սցենար անվանակարգում։

Ֆիլմի գլխավոր հերոսուհին երիտասարդ աղջիկ է, որին հարեւան թուրքերն իրենց տուն են տանում ու պահում այն բանից հետո, երբ նրա ծնողները սպանվում են Օսմանյան Թուրքիայում Ցեղասպանության ժամանակ, հայտնում է deadline.com-ը։

Ֆիլմի հեղինակները ցուցադրել են գլխավոր հերոսուհու դերի համար հայ աղջիկների քաստինգի տեսագրությունը։ Քաստինգին մասնակցող աղջիկները փախստականներ են Սիրիայից ։ Հարցազրույցի ժամանակ նրանք պատմում են այն մասին, թե ինչպես են Սիրիայից Հայաստան տեղափոխվել։

Տեսագրությունը նկարահանված է պրոդյուսերական Disruptive Narrative ընկերության կողմից, որի հիմնադիրը մարդու իրավունքների հարցերով փաստաբան Ջեն Ռոբինսոնն է ու սիրիահայ դերասանուհի Սոնա Թաթոյանը։ Տեսագրությունը ներկայացվելու է «Փախստականների ձայները կինոյում» կոչվող միջոցառման ընթացքում, որը անցնելու Կաննի կինոփառատոնի շրջանակում մայիսի 21-ին։