ԱՄՆ արեւելքում ծառերի տասնյակ տեսակներ արեւմուտք ու հյուսիս են տեղաշարժվում՝ «լքելով» սովորական դարձած վայրերը։ Գիտնականները դրանում մեղադրում են միջին ջերմաստիճանի փոփոխությանը եւ տեղումների քանակին՝ գլոբալ տաքացման հետեւանքով, հաղորդում է «Իմ մոլորակ»-ը։
Science Advances պարբերականը հաղորդում է, որ կաղնին, թխկին եւ այլ ծառատեսակներ հիմնականում դեպի արեւմուտք են շարժվում՝ ըստ խոնավության մակարդակի։ Մշտադալար ծառերը՝ ինչպես եղեւնին ու սոճին, դեպի հյուսիս են տեղաշարժվում, որտեղ կլիմայական պայմաններն ավելի ցուրտ են, հաղորդում է Mashable-ը։
Ծառերի տեղաշարժը կարող է մեծ ազդեցություն ունենալ անտառների էկոհամակարգի վրա։ Մի շարք բույսեր, հողը, միջատները, կենդանիները կախված են ծառերից։ Ծառերը մի մասի համար որպես թաքստոց են ծառայում, մյուս մասի համար՝ սնունդ հայթայթելու միջոց։