ԱՄՆ նախագահ Դոնալդ Թրամփը ժամանել է Պաղեստինի Բեթղեհեմ քաղաք եւ բանակցություններ է վարում իր գործընկեր Մահմուդ Աբասի հետ։ Վերջինի հետ նա հանդիպում է արդեն երրորդ անգամ՝ ԱՄՆ նախագահի պաշտոնը ստանձնելուց ի վեր, հաղորդում է «ՌԻԱ Նովոստի»-ն։
Հորդանան գետի արեւմտյան ափին գտնվող Հիսուս Քրիստոսի հայրենիք Թրամփը մեկնել է հարեւան Երուսաղեմից։
Աբասի հետ հանդիպումը տեղի է ունենում Բեթղեհեմի նրա նստավայրում, որտեղ պատվո պահակախումբ է կանգնեցվել։
Թրամփը Բեթղհեմ է ժամանել առանց կնոջ, դստեր եւ փեսայի, ովքեր Իսրայելում ուղեկցել են նրան։
