Առաջիկա 10-15 տարիներին եվրասիական միասնական արժույթի մասին խոսելու հիմքեր չկան: Մայիսի 24-ին ԿԲ-ում կայացած մամուլի ասուլիսի ժամանակ այս մասին ասաց ԿԲ Ֆինանսական համակարգի կարգավորման վարչության պետ Մհեր Աբրահամյանը:
Այս թեմայով շահարկումներն այնքան հաճախակի են դարձել, որ ԿԲ-ն դրանց հումորով է վերաբերվում եւ դրան է կոչ անում նաեւ մյուսներին, նշեց նա: «Խոսում են, որ 2025 թվականին անցում կկատարվի նոր արժույթին: Նման լուրերը ոչ մի հիմնավորում չունեն: Դուք կարող եք բացել ԵՏՄ-ի ցանկացած փաստաթուղթ,- դրանք բոլորը հրապարակային են,- եւ տեսնել՝ դրանց մեջ նման ոչ մի բան նշված չէ»,- հավելեց Աբրահամյանը: