Բջջային սարքերի համար վնասակար կոդի քանակը սկսել է աճել, ինչը կարող է հանգեցնել սմարթֆոնների վրա վիրուսների տարածման համաճարակի։ Այս մասին հայտնել է «Կասպերսկու լաբորատորիայի» ռազմավարական նախագծերի բաժնի ղեկավար Անդրեյ Յարնիխը։
Նրա խոսքով, կիբերհարձակումների քանակն աճում է Windows ու Android օպերացիոն համակարգերի համար, հիմա դրանց քանակը շատ մեծ է, ու այդ հարձակումները սկսել են տարածվել նաեւ բանկային ոլորտի վրա։ «Առանձին թրենդ են վերծանիչները, որոնց մենք վերջերս ենք բախվել։ Վերծանիչ ծրագրերը վտանգավոր են նրանով, որ ոչ միայն ներթափանցում են համակարգիչներ ու գողանում տվյալներ, այլեւ վերծանում են համակարգչի պարունակությունը»,- ասել է Յարնիխը ու օրինակ բերել WannaCry վերծանիչ վիրուսի հարձակումը։ «Մենք ենթադրում ենք, որ WannaCry վիրուսի ֆինանսական նպատակները չեն իրագործվել, եզակի մարդիկ են վճարել փրկագինը», - նշել է նա։
«Կասպերսկու լաբորատորիան» այս կապակցությամբ կոչ է անում ոչ միայն ունենալ վիրուսներից պաշտպանող ծրագրային ապահովում, այլեւ մշտապես թարմացնել օպերացիոն համակարգերի տեղեկատվական համակարգերն ու ծրագրերը։