ԱՄՆ Ալաբամա նահանգում իրականացվել է սպանության համար դատապարտված Թոմաս Արթուրի դատավճիռը։ Նրան հաջողվել էր ազատազրկումից հետո 7 անգամ խուսափել մահապատժից, ինչի համար ստացել էր «Գուդինի մահապատիժ» մականունը։ Սակայն ութերորդ անգամ Ֆորտունան նրանից երես է թեքել, հայտնում են ամերիկյան լրատվամիջոցները։
75-ամյա Թոմասին մահապատժի են ենթարկել մայիսի 25-ին, ուշ երեկոյան։ Մահվանից առաջ նա ներողություն է խնդրել իր զավակներից։ «Կներեք, որ չկարողացա ձեզ համար լավ հայր դառնալ,- ասել է նա,- Ես ձեզ աշխարհում ամենից շատ եմ սիրում»։ Արթուրը առաջին անգամ մահապատժի էր դատապարտվել 1983-ին։ Նա ավելի քան 34 տարի է անցկացրել մահապարտների խցում՝ սպասելով դատավճռի իրականացմանը։ Այդ ընթացքում Ալաբամա նահանգում մահապատժի են ենթարկել 58 այլ դատապարտյալների, բայց նրան հաջողվել է 77 անգամ խուսափել մահապատժից։
Արթուրը դատապարտված է եղել Տրոյ Պլետյեի սպանության համար։ Նա սիրային կապ է ունեցել իր զոհի կնոջ՝ Ջուդի Ուիքերի հետ ու նրա ամուսնուն սպանել էր՝ աջ աչքին կրակելով։ Հետագայում Ուիքերը խոստովանել է, որ ինքն էլ Արթուրին 10 հազար դոլար վճարել ամուսնու սպանության համար։