ԱՄՆ կառավարությունն իր վրա է վերցնում Մանչեսթերի ահաբեկչության մասին տեղեկատվության արտահոսքի ամբողջ պատասխանատվությունը: Reuters-ի փոխանցմամբ՝ Մեծ Բրիտանիայի ԱԳ նախարար Բորիս Ջոնսոնի հետ հանդիպման ժամանակ այս մասին հայտարարել է ԱՄՆ պետքարտուղար Ռեքս Թիլերսոնը:
Նա նշել է, որ «ամերիկացիները սրտերը կոտրված են» ահաբեկչության պատճառով:
Թիլերսոնը նաեւ հույս է հայտնել, որ Վաշինգտոնն ու Լոնդոնը սերտորեն կհամագործակցեն անվտանգության ոլորտում եւ միասին կդիմակայեն տեղեկությունների արտահոսքին: