ԵՏՄ-ում գազի, նավթի ու նավթամթերքի ընդհանուր շուկաների ձեւավորումը պետք է արագացնել , այս մասին հայտնել է Բելառուսի վարչապետ Անդրեյ Կոբյանովը՝ Եվրասիական միջկառավարական խորհրդի նիստի ժամանակ Կազանում։
Անդրեյ Կոբյակովը հիշեցրել է, որ ըստ ԵՏՄ մասին պայմանագրի ՝ ընդհանուր էլեկտրոէներգետիկ շուկան պետք է ձեւավորվի մինչեւ 2019-ի հուլիսի 1-ը։ «Իսկ մյուս հարակից ոլորտներում միասնական շուկաների ստեղծումը մինչեւ 2025- ն է ծրագրված։ Սակայն հաշվի առնելով գազի շուկայից էլեկտրաէներգիայի շուկայի բարձր կախումը՝ առաջարկում ենք ձեռնարկել բոլոր համատեղ ջանքերը՝ ԵՏՄ ընդհանուր շուկայի ձեւավորումն արագացնելու համար՝ չսպասելով մինչեւ Պայմանագրով նախատեսված 2025-ը»,- նշել է վարչապետը։ Նույն մոտեցումն էլ Բելառուսն առաջարկում է կիրառել նաեւ նավթի ու նավթամթերքի ընդհանուր շուկայի ձեւավորման մասին պայմանագրի պատրաստման հարցում։