Տուրիզմ, գաստրոնոմիա եւ մարզիկներ. 11 երկրների բնակիչներ Իսպանիայում հենց սա են գնահատում: Elcano թագավորական ինստիտուտի հարցման արդյունքներով՝ Իսպանիան որպես տուրիստական ուղղությամբ 10 հնարավորից 8.2 միավոր է ստացել, գաստրոնոմիան՝ 7.3 միավոր՝ առաջ անցնելով մարզիկներից, որոնք 7 միավոր են ստացել:
Ըստ ՌԻԱ Նովոստիի՝ գաստրոնոմիան երկրորդ տեղում պատահաբար չի հայտնվել: Երկրի իշխանությունները վերջին շրջանում շեշտադրում են իսպանական մշակույթի այս անբաժանելի մասը՝ փորձելով հնարավորինս շատ զբոսաշրջիկների գրավել:
Վեց տարի շարունակ երկրի լավագույն գաստրոնոմիկ մայրաքաղաքի կոչման համար մրցույթ է անցկացվում: Այդ պատվավոր կոչմանն արդեն արժանացել են Լոգրոնյոն, Բուրգոսը, Վիտորիան, Կասերեսը, Տոլեդոն: Այս տարի այդ կոչմանն արժանացել է Պորտուգալիայի հետ սահմանին գտնվող Ուելվան: