ճանապարհային ոստիկանության ճանապարհապարեկային ծառայության երկրորդ սպայական գումարտակի երրորդ վաշտի տեսուչները մայիսի 27-ին
ծառայություն էին իրականացնում Երեւան-Սեւան ավտոճանապարհին: Առավոտյան ժամը 10-ի սահմաններում ավտոճանապարհի 24-րդ կիլոմետրին նկատել էին, որ «Տոյոտայի» վարորդը խախտում է ճանապարհային երթեւեկության կանոնները:
§Տոյոտայի վարորդը բնակավայրից դուրս երթեւեկում էր 124 կմ ժամ արագությամբ, այսինքն 24 կմ ժամով գերազանցում էր տվյալ տարածքում թույլատրելի արագությունը: Մենք, օրենքով սահմանված կարգով, կանգնեցրինք նրան: Վարորդը, չենթարկվելով կանգ ազդանշանին, շարունակեց ընթանալ: Մոտ երեք կիլոմետր հետապնդելուց հետո կանգնեց¦,-պատմում է ՃՈ տեսուչ Նարկե Հակոբյանը:
Ճանապարհային ոստիկանի անհատական տեսախցիկը ֆիքսել է, թե ինչպես է վարորդը գումար առաջարկում: Տեսուչն էլ՝ հրաժարվում է եւ խնդրում փաստաթղթերը: Վարորդը ներկայացնում է, հետո անհարկի վեճի մեջ մտնում ճանապարհային ոստիկանների հետ:
Նրանք կազմել են վարչական իրավախախտման վերաբերյալ արձանագրությունը, որի թերթիկի վրա, վարորդի նշումների համար նախատեսված հատվածում, «Տոյոտայի» վարորդը գրել է, որ ճանապարհային ոստիկաններն իրեն վարչական պատասխանատվության չենթարկելու համար կաշառք է պահանջել:
Ոստիկանության Կոտայքի բաժնում նախապատրաստված նյութերն ուղարկվել են նախաքննական մարմնին:
