ԱՊՀ երկրների ղեկավարների խորհրդի նիստը նախատեսվում է անցկացնել հոկտեմբերին Սոչիում։ Այս մասին լրագորղների հետ զրույցում ասել է ԱՊՀ գործադիր հանձնաժողովի նախագահ Սերգեյ Լեբեդեւը, հաղորդում է «ՏԱՍՍ»-ը։
«Պետությունների ղեկավարների խորհրդի հերթական նիստը ծրագրվում է անցկացնել Սոչիում, հոկտեմբերի 11-ին»,- ասել է Լեբեդեւը։ Նրա խոսքով՝ հաշվի առնելով ԱՊՀ երկրների նախագահների աշխատակազմերի ցանկությունները՝ նիստում կքննարկվեն երկրների համար ամենակարեւոր հարցերը։
Լեբեդեւը տեղեկացրել է նաեւ, որ դրանից մեկ օր առաջ՝ հոկտեմբերի 10-ին, ԱՊՀ անդամ երկրների նախարարների խորհրդի նիստ կգումարվի։