Խոշոր արտահանող-ներկրող ընկերությունը կդյուրացնի Հայաստանի եւ Իրանի միջեւ առեւտուրը։ Այս մասին մայիսի 31-ին լրագրողների հետ զրույցում ասաց ՀՀ Տնտեսական զարգացման եւ ներդրումների նախարար Սուրեն Կարայանը։ Վերջինը Երեւան ժամանած Իրանի հանքային արդյունաբերության եւ առեւտրի փոխնախարար Մոջթաբա Խոսրովթաջի հետ այցելել է «Այս հաուս» պահեստային եւ լոգիստիկ կենտրոն։
Այդ ընկերությունը կարող է երկու երկրների միջեւ դյուրացված կարգով ապրանքների փոխադրմամբ զբաղվել։ Բացի այդ, Հայաստանը կարող է ԵՏՄ շուկայում հայտնվել ցանկացող իրանական ընկերությունների համար հարթակ հանդիսանալ։ «Ուստի, շատ կարեւոր է, որ այստեղ փոխադրման կետեր ստեղծվեն, որոնք մեր իրանցի գործընկերների կօգնեն ապրանքները փոխադրել Եվրասիական միության այլ երկրներ»,-հավելեց Կարայանը։
