Թուրք-իսրայելական հարաբերությունների ճգնաժամը, որի վերջին դրսեւորումը եղավ Լիբանանում Թուրքիայի վարչապետ Էրդողանի հակաիսրայելական հայտարարությունները, կարող են որոշակիորեն ազդել ԱՄՆ-ի հրեական լոբբի դիրքորոշման վրա` Կոնգրեսում Օսմանյան Թուրքիայում հայերի ցեղասպանության մասին բանաձեւի քննարկման ժամանակ: NEWS.am-ի թղթակցի հետ զրույցում այսպիսի կարծիք է հայտնել Գիտությունների ակադեմիայի Արեւելագիտության ինստիտուտի տնօրեն Ռուբեն Սաֆրաստյանը.
Մեւնույն ժամանակ Սաֆրաստյանը նշել է, որ բարդ է կանխատեսել, թե ինչքանով քաղաքական կոնյունկտուրան կազդի Ցեղասպանության հարցում հրեակական լոբբիի դիրքորոշման վրա. «Պետք չէ մոռանալ, որ հրեաների դիրքորոշումն այս հարցում սկզբունքային է` Հոլոքոսթը բացառիկ երեւույթ է»:
Ռուբեն Սաֆրաստյանը նաեւ կարծիք է հայտնել, որ ԱՄՆ-ի Կոնգրեսում Ցեղասպանության բանաձեւի ընդունման հավանականությունը փոքր չէ:
Փորձագետների կանխատեսմամբ` բանաձեւը Կոնգրեսի քննարկմանը կարող է ներկայացվել կամ այս տարեվերջին, կամ հաջորդ տարվա սկզբին, իսկ թուրք-իսրայելական հարաբերությունների սրման արդյունքում հրեական լոբին կարող է աջակցել փաստաթղթի ընդունմանը:
Այդուամենայնիվ Թուրքիայի վարչապետը շարունակում է հանդես գալ հակաիսրայելական հայտարարություններով: Նախօերին Լիբանանում Էրդողանը Իսրայելին խաղաղության կոչ անելիս նաեւ նշել է, որ երբ գա ժամանակը մարդասպաններից հաշիվ կպահնաջվի. Թուրքիայի վարչապետը հրեաներին հորդորել է նոր սխալներ թույլ չտալ եւ ներողություն խնդրել:
