Մեծ Բրիտանիայի՝ Եվրամիության կազմից դուրս գալու որոշման պատճառով, Ֆրանսիայի քաղաքացիություն խնդրող բրիտանացիների թիվն ավելացել է։ 2016 թվականին այդ թիվն ավելացել է 254 տոկոսով կամ 3,5 անգամ ( մինչեւ 1,4 հազար մարդ)։ Այս մասին հաղորդում է Le Monde-ն՝ վկայակոչելով Ֆրանսիայի ՆԳՆ տվյալները։ 

Հիմնականում քաղաքացիություն ստանալու դիմում են ներկայացրել Ֆրանսիայում բնակվող տարեց բրիտանացիները։

Հարցազրույցի ժամանակ նրանք ասել են, որ Ֆրանսիայի քաղաքացիություն խնդրել իրենց ստիպել է Brexit-ը, քանի որ մտավախություն կա, որ Brexit-ի շուրջ բանակցությունների ավարտից հետո չեն կարողանա օրինական բնակվել Ֆրանսիայում։

Ֆրանսիայի քաղաքացիություն ստանալու գործընթացն ընդհանուր առմամբ մեկ ու կես տարի է պահանջում։ Ֆրանսիայի ՆԳՆ տվյալների համաձայն՝ 2016 թվականին քաղաքացիություն են ստացել 439 բրիտանացիներ։