Հայաստանի Վերաքննիչ քրեական դատարանն այսօր՝ հունիսի 21-ին վճիռ կայացրեց 1 մլն. գրավի դիմաց ազատ արձակել «Ոտքի´ Հայաստան» քաղաքացիական շարժման խորհրդի անդամ Դավիթ Հովհաննիսյանին:
«Ոտքի, Հայաստան» շարժման տարածած հայտարարության մեջ ասվում է. «2016թ հուլիսի 29-ին Սարի Թաղի հայտնի դեպքերից հետո, երբ ոստիկանությունը վայրագ կերպով ցրեց ժողովրդի խաղաղ ցույցը, «Ոտքի՛, Հայաստան» ՔՇ անդամ Դավիթ Հովհաննիսյանը ձերբակալվեց:
Նրան անհիմն, այսինքն` առանց որեւէ փաստի, միայն 2 ոստիկանի ակնհայտ սուտ ցուցմունքի հիման վրա, մեղադրում են ՀՀ քրեական օրենսգրքի 225 հոդվածի երկրորդ մասով, այն է՝ զանգվածային անկարգություններին մասնակցելը, որը ենթադրում է 3-8 տարի ազատազրկում (իբրեւ թե քարեր է նետել ոստիկանների ուղղությումբ), սակայն ԶԼՄ-ների տարածած բոլոր տեսանյութերը փաստում են հակառակը: Այս շինծու մեղադրանքով Դավիթ Հովհաննիսյանը արդեն 10 ամսից ավել գտնվեց կալանքի տակ՝ Նուբարաշեն ՔԿՀ-ում»,- նշել են հայտարարության հեղինակները:
