Վենետիկի հանձնաժողովի համագործակցությունը Հայաստանի հետ ռազմավարական համագործակցության շատ լավ օրինակ է, որը դուրս է կոնկրետ օրինագծի շրջանակից։ Այս մասին հայտարարել է Վենետիկյան հանձնաժողովի նախագահ Ջիանի Բուքիքիոն՝ ներկայացնելով 2016 թվականին հանձնաժողովի գործունեության հաշվետվությունը։
«Հայաստանի հետ մենք գտնվում ենք համագործակցության երկրորդ փուլում։ Մենք 2015 թվականին Սահմանադրական փոփոխությունների վերաբերյալ կարծիք հայտնել ենք։ 2005 թվականից ի վեր դա երկրորդ համընդհանուր սահմանադրական բարեփոխումներ էր՝ ինչպես Վրաստանի պարագայում։ Բարեփոխումների նպատակն էր նաեւ ավարտել կառավարման խորհրդարանական համակարգին անցումը, օրենքի գերակայության ուժեղացումը եւ 2005 թվականի բարեփոխումների վերաբերյալ հանձնաժողովի առաջարկություններն ի կատար ածելը»,-իր ելույթում նշել է Բուքիքիոն։
Նրա խոսքով՝ անցյալ տարի Վենետիկի հանձնաժողովը կարծիք է հրապարկել նոր ընտրական օրենսգրքի վերաբերյալ, անցյալ շաբաթ՝ Սահմանադրական դատարանի մասին օրենքի փոփոխությունների վերաբերյալ։ Հաջորդը կլինի դատական նոր օրենսգրքի գնահատականը։
