Բնապահպանության նախարարությանը ավելի երկար ժամանակ է պետք Սեւանի մասին նախագծի ուսումնասիրման համար։ Այս մասին NEWS.am–ի թղթակցին հայտնել է Հայաստանի բնապահպանության նախարարի խորհրդական Արեգ Ղարաբեգյանը։
«Մեզ մի քիչ ավելի երկար ժամանակ է պետք, որպեսզի ամեն ինչ վերջնական հասկանանք։ Բայց եթե որոշումն ընդունվի՝ ստիպված կլինենք տեղավորվել այդ ժամանակի մեջ»,- հայտնել է Ղարաբեգյանը։
Նշենք, որ հունիսի 23-ի Կառավարության նիստի ժամանակ ընդունվել է օրինագիծ ՝ Սեւան լճից ոռոգման նպատակների համար վերցվող ջրի ծավալն ավելացնելու մասին։ 2017-ի համար առավելագույն ծավալն առաջարկվում է 170-ից մինչեւ 270 մլն խոր․մ դարձնել։
Կառավարության այսօրվա նիստի ժամանակ համապատասխան օրինագծին հավանություն է տրվել։ Նախարար Արծվիկ Մինասյանը մի քիչ լրացուցիչ ժամանակ է խնդրել օրինագծի ուսումնասիրման համար, ինչին վարչապետ Կարեն Կարապետյանը համաձայնել է, չնայած խնդրել է չձգձգել։