Տոսկանայի Մարինա դի Մասա մերձծովյա առողջարանային քաղաքում մաչետեով զինված իտալացին հարձակվել է 3 երիտասարդների վրա եւ նրանց թեթեւ վնասվածքներ է հասցրել, հայտնում է Il Tirreno պարբերականը:
Խոսքը ազգականների միջեւ հարաբերությունների բուռն պարզաբանմանն է վերաբերում: Տեղեկությունների համաձայն` 40-ամյա տղամարդը նախկինում երիտասարդների հետ վիճաբանել էր, որը նոր ուժով է բռնկվել երեքշաբթի առավոտյան, երբ նրան կասկածել են ավտոմեքենան դիտավորյալ վնասելու մեջ: Արդյունքում` չարագործը հարձակվել է պատանիների վրա եւ փորձել նրանց դանակահարել:
Բժիշկների վկայությամբ, որոնք դեպքի վայր են ժամանել, երիտասարդներից ոչ մեկը լրջորեն չի տուժել, չնայած նրանցից մեկն, այնուամենայնիվ, տեղական հիվանդանոց է տեղափոխվել հետազոտվելու:
Հարձակվողին իրավապահ մարմինների ներկայացուցիչները ձերբակալել են:
